ألعاب بسيطة للاطفال الصغار (سن حضانة)

ألعاب بسيطة للاطفال الصغار (سن حضانة)

١) لعبة إشارة المرور
قص 3 دواير من الورق: واحدة خضراء و واحدة صفراء و واحدة حمراء. ثبت في كل دايرة عصاية أو شفاطة تمسكها منها. قول للاولاد طول لما تكون إنت رافع الاشارة الخضراء، لازم يفضلوا يمشوا حولين الأوضة. أول لما ترفع الاشارة الصفراء يبتدوا يهدوا و أول لما ترفعالاشارة الحمراء يقفوا مكانهم. ممكن تشغل موسيقى أثناء اللعبة.

٢) لعبة البراشوت
تحتاج إلى: ملاية ملونة
يمسك الأطفال و الخدام أطراف الملاية. لما تقول "فوق" كله يرفع الملاية فوق... وبعدين تقول "تحت، تحت، تحت"، فينزل الأولاد الملاية. وبعدين تنادي حد من الأطفال وتطلب منه يعدي تحت البراشوت، إلخ.
ممكن برضه تلعب نفس اللعبة بس كأن الملاية شمسية... تعمل صوت مطر، وتطلب إن الأولاد ينزلوا تحت "الشمسية"، و بعدين تطلع الشمس فيطلعوا من تحتها، إلخ

٣) لعبة نيشان بسيطة
تحتاج إلى: أطواق كبيرة ملونة (أو إستخدم أنابيب من البلاستيك يمكن لفها و لصقها على شكل أطواق)، كرات خفيفة
يمسك الخادم الطوق و المطلوب إن الأطفال يرموا الكرة من خلال الطوق... الاطفال الصغيرين ممكن تخليهم يبتدوا بمسافة قريبة وبعدين يبعدوا سنة

لعبة تقاليد عيد الميلاد


فكرة سهلة التطبيق، لكن ينبغي للخادم الحكم إذا ما يصلح استخدامها في مجموعة معينة.برضه حسب المجموعة، ممكن إنتقاء التقاليد المناسبة.
- تطلب من الجميع أن يقفوا.
- تبدأ في ذكر التقاليد واحدا تلو الأخر. إذا لم يقوم الشخص بالإشتراك في هذا التقليد يقوم بالجلوس (اى يخرج من المنافسة). يفضل إعطاء كل فرد فرصتين ( أي يقوم بالجلوس في ثاني تقليد لم يشترك به)، لحفظ أكبر عدد من اللاعبين إلى النقاط الأخيرة المهمة.

١. عمرك أكلت فتة ليلة العيد
٢. إستحميت ليلة العيد/ رحتي للكوافير
٣. اشتريت لبس جديد للعيد
٤. جتلك عدية السنة دي
٥. شفت بابا نويل السنة دي
٦.زينت الشجرة السنة دي
٧. عارف إن فيه ورق عنب النهاردة
٨. عمرك لبست طرطور بابا نويل الاحمر
٩. حضرت حفلة ترانيم الميلاد السنة دي
١٠. حضرت قداس العيد كامل السنة دي
١١. طب حضرت قداس العيد من أول الانجيل و بجد كنت واقف جوا الكنيسة بروح صلاة
١٢. حاسس انك مستعد ليملك يسوع في قلبك السنة دي


في الطلب الأخير، قل للمخدومين أنك لن تطلب منهم الجلوس علنا لكن اطلب أن يسأل كل منهم نفسه بصراحة...يا ترى أنهي تقاليد ماشتركتش فيها؟ وحاسس إن فاتك كتير؟ جميل أن نشترك في تقاليد الأعياد حسب مقدرتنا، إذ تذكرنا بالعيد و تبعث فينا البهجة، ولكن الأهم بكثير ألا ننسى الهدف الرئيسي للعيد. لو فاتك من المظاهر الخارجية كتير لكنك حاسس بالمعنى الحقيقي للعيد فيا بختك!
اوعى تكون اشتركت في كل المظاهر دي وجبت لبس جديد و أكلت أحلى أكل، إلخ لكن نسيت المعنى الحقيقي للعيد!

ألعاب بلالين

لعبة البالونة الطايرة
يعطى لكل مخدوم (أو كل فريق من إثنين، لتسهيل اللعبة) بالونة لينفخها ويربطها ويكتب عليها إسمه. تجمع كل البلالين و تلقى في الهواء... الهدف هو أن يبقي اللاعب بالونته طائرة بدون أن تقع على الأرض عن طريق دفعها لأعلى و الحفاظ عليها إذا حاول الأخرون أن يوقعوها. كلما تلمس بالونة الأرض، يخرج صاحبها من اللعبة. الفائز هو من يبقي بالونته طائرة الى نهاية اللعبة.


حلاق البالونة
تغطى البالونة بكريم الحلاقة و المطلوب من اللاعبين إزالة الكريم بالموس بدون فرقعة البالونة!

جوووون
تحتاج الى فريقين و لكل فريق حارس للمرمى. يلعب اللاعبين بالبالون بدل الكرة. يقف حارس المرمى على كرسي و ماسكا دبوس في يده. يسجل الفريق الاجوان في مرمى الفريق نفسه. يحسب الجون متى استطاع حارس المرمى فرقعة البالون بدبوسه. بعد كل جون، بالطبع ستحتاج الى بالون جديد للعب.

لعبة الشعارات المبتكرة

تصلح هذه الفكرة لحفلات السمر، أو ليوم رياضي، أو في أي وقت تقسم فيه المخدومين للعب و المنافسة و التسابق. قم بتحضير عدد من الكلمات، شاملة بعض الكلمات المناسبة لهدف اليوم. يقوم كل فريق بسحب خمس كلمات. المطلوب من الفريق تكوين شعار له باستخدام هذه الكلمات الخمسة. اعط نقاط للفرق على الابتكار، و الافادة، و عدد الكلمات المستخدمة من الكلمات المطلوبة، إلخ.

نقل زجاجة المياه الى زجاجة اخرى فارغة بالشفاطة

عدد اللاعبين : مجموعة ( 3 – 20 )

الادوات المطلوبة : زجاجات كوكاكولا فارغة بضعف عدد اللاعبين – شفاطات بعدد اللاعبين

::: طريقة اللعبة :::

1- تملأ نصف عدد زجاجات الكوكاكولا الفارغة بالمياه لاخرها , و توضع في كل زجاجة شفاطة , و توضع بجوار كل زجاجة مملؤة زجاجة اخرى فارغة . و على كل لاعب ( مربوطة يديه من الخلف ) نقل كمية المياه من الزجاجة الاولى للثانية . و اللاعب الذي ينتهى من ذلك اولا يفوز فى هذه اللعبة

2- يمكن بدلا من الزجاجات استعمال اكواب المياه بشرط تساوى الكميات

3- و فكرة اخرى لهذه اللعبة هى نقل المياه بواسطة ملاعق صغيرة من كوب الى كوب اخر , او من طبق الى طبق اخر . و يفضل ان يذاب في المياه بودرة عصير له لون مميز حتى تكون اللعبة واضحة امام المشاهدين .

لعبة الرمل الملون



الادوات
1-ملح
2- طباشير الوان غير سام
3-اطباق بلاستيك تكون قاعدتها مش ملساء او اطباق فللين
4- برطمان ازاز

الطريقة :
هنحط شوية ملح لكل طفل فى طبقة ..و بعدين بالطباشير اللى معاة يلونة سهل جدا و بيتلون على طول اول ما يقعد يحرك الطباشيرة علية فى الطبق و كل ما يخلص حبة يحطهم فى البرطمان الازاز و يلون غيرهم لون تانى و هكذا .....لغاية ما يكمل البرطمان و بيبقى تحفة فنية بجد

اللعبة دى بتقوى عضلات اليد و ممتعة جدااااااااا
و ممكن ياخد وقت مش فى يوم واحد يعنى فعلشان كدة بعملة هدف للاولاد علشان انا بحب انمى فيهم حتة التصميم للوصول لهدف محدد فبقولهم لما تخلصى البرطمان بتاعك هنحطة فى الاوضة على الرف او نزين بية رف المطبخ .

لعبة الروائح




اللعبة دى تقوى حاسة الشم و الذاكرة عند الاطفال و تنميها و دى حاجة مهمة جدا"
هنجيب ثمرة من كل نوع فاكهة و نشممها للطفل و نخلية يغمض عنية و نشممة ثمرة معينة و نسالة هى اية ؟؟
و هكذا
طبعا" ممكن ميعرفش على طول و يقول غلط و نقولة لا دى كذا و دة اللى هيخلية يتعلم يفرق بين الروائح المختلفة و يتذكر الروائح الصحيحة للثمر
ممتعة جدااااااا و مفيدة قوى قوى قوى و سهلة كمان

قص ولصق
ودى للاطفال الصغيرين شوية

الحاجات المطلوبه :
1- كراسه رسم الوان
2- مقص
3- لزق اللبان

هنقص بالمقص الاشكال : الدايره - المربع - المستطيل -النجمه - مثلث
و يكونوا ملونين و نلزق من ورا اللزق و نبتدى ندور فى البيت على الاشكال دى و تطلبى منهم يلزقوها عليها مثلاعلى الباب على الشباك الطرابيزه دايره على الكوره كدا يعنى و بكدا يعرفوا الاشكال
كل ما يحط شكل صح نروح نحطلهم نجمه

لعبة لكى يتعرف الطفل على كيفية مزج الالوان و اخراج لون جديد



هنجيب صلصال و ناخد حتة نونو خالص من لونين مختلفين و نعجنهم مع بعض جااامد لغاية ما يدونا اللون الجديد
هنكسب كذا حاجة من اللعبة دى
1- تقوية حب الاكتشاف عند الطفل
2- تقوية عضلات ايدة
3- انبهارة بالنتيجة و نمو الاحساس بالالوان عندة
4- نمو الجانب العلمى فية

بصوا بقى
ازرق +اصفر=اخضر
احمر+ابيض=بمبى
احمر+اصفر=برتقالى
اسود+ابيض=رمادى
ازرق+احمر= موف

و هكذا

ممكن نلعبها بطرقتين
1-اننا نقوله يلا نطلع اللون الفلانى يعنى نحدد اللون و نعرفة ازاى بييجى زى ما انا موضحة فوق
2- اننا نكتشف مع بعض يعنى نجيب اى لونين و نقولة تعالى كدة نمزجهم و نشوف هيطلع اية ؟؟ و طبعا" نسقف بقى و ننبهر بالنتيجة و كدة ....
و دى ممتعة جدااا من وجهة نظرى و تيجى بعد ما يفهم الفكرة من الطريقة الاولى

و لااازم نركز على حاجتين
1- ان اى لون هنضيف لة الابيض هيبقى افتح و نجربها عملى
2- ان اى لون نضيف لة الاسود هيبقى اغمق و نجربها عملى

دة هيفهمه حاجات كتير و يرسخ عندى اساسيات الالوان و مفهومها و درجاتها

ألعاب أغلبنا عارفها ...


1- فيه لعبة المنديل ودى طبعا كله عارفها

2- لعبة كابلز (الكل يقف ويعمل دايرة كبيرة ويمسكوا ايدين بعض ويكون فيه اتنين بره الدايرة يتفقوا على اتنين يدربوا على ايدهم ويخلوهم يجروا بس يجروا عكس اتجاه الاتنين اللى بره الدايرة واللى يلحق المكان ياخده واللى ميلحقهوش يبقى بره الدايرة ويتفقوا على حد وكده وهكذا)

3- لعبة الايات (عبارة عن ايات منقسمة فى ورقتين وعلى كل واحد انه يدور على نص الاية التانى واللى يلاقوها الاول هما اللى كسبانين )

4- لعبة فلتوتة ( عبارة عن كل اتنين يقفوا جنب بعض على شكل دايرة ويكون فيه اتنين بيجروا ورا بعض حول الدايرة ..... اللى بيجرى ده يحاول يلمس اللى بيجرى قدامه ولما يلمسه التانى يرجع يجرى وراه (العكس يعنى ) لكن لو اللى بيتجرى وراه ده وقف جنب حد من اتنين اللى واقفين على شكل دايرة يروح التالت يجرى هو ويحاول انه ميتلمسش من اللى بيجرى )

5- لعبة الامنيات (عبارة عن كل واحد ف الرحلة يكتب امنية فى ورقة والورق ده يتلخبط وبعد كده نبدأ نسحب امنية امنية ونقراها . لكن هيكون فيه ورقة مكتوب فيها الاسماء يكون انت اللى كاتبها وتقرى الامنية الاولى للأسم الاول . وبكده هيكون لكل اسم امنية غير اللى كتبها ) وطبعا هنكتب امنيات لذيذة مضحكة شوية عشان يبقى فيه فكاهة فى اللعبة

6- لعبة الصديق الخفى (اننا هنكت فى ورقة لكل اسم اى اسم مش معروف عنه يعنى مثلا مارى يبقى اسمها بسبوسة وهكذا . ونبدأ نوزع الاسماء اللى مش معروفه دى على اللى فى الرحلة
ويبقى فيه اتنين بس مسؤولين عن اللعبة دى بحيث ان كل واحد يروح للى مسؤولين دول ويقوله ابعت البتاعة دى (اى حاجة بقى رباط جزمة او حجرة او ميدالية ....اى حاجة ) واللى مسؤول عن اللعبة ده بيكون معاه ورقة فيه الاسم الحقيقى وقدام الاسم الحقيقى الاسم المزيف ويبدأ يروح يبعت البتاعة لصاحب الاسم المزيف ... وانت بقى بتحاول انك تعرف مين صاحب الاسم من خطاوات مسؤول اللعبة )

_أو فية الطريقة التقليدية للعبة اللي انتو عارفينها

7-فيه لعبه الصراحه
وهى انكوا تقعدوا على شكل دائره وحد يسمك زجاجه فاضيه ويلفها واللى ييجى عنده بق الازجاجه اللى لف الزجاجه يساله سؤال وهو المفروض انه يجاوب بصراحه طبعا .

8-وفيه لعبه مسج
وهى انكوا تعملوا دائره دى كابلز بس واحد يقف فى النص ويقول هبعت مسج من الشخص ده اللى الشخص ده والمفروض الشخص الاول هيبقى فيه 2 واقفين جنبيه يحاول يضغط على ايد واحد منهم لحد ما توصل المسج اللى الشخص التانى ولما توصله يقول وصلت ولو اللى واقف فى النص لاحظ حد بيضغط على ايد اللى جنبه يقول stop وكده هتبقى المسج وقفت واللى فى النص يقف فى الدائره واللى مسكه بضغط على ايد اللى جنبه هو اللى يقف فى النص وهكذا



9-لعبة الطلبات
وهى تتقسموا لفرقين وتطلبوا طلب والفريق اللى يطلع الطلب اللى انتى طلبتيه الاول ياخد نقطة بس تكونوا محددين رقم اللى يوصلوا الاول يكسب.

دي بقى اللعب اللي معظمكم مش هتلاقيه عارفها



لعبة الاقلام
المتطلبات:

اقلام بغطاءعلى عدد المتسابقين

الطريقه:

يطلب من المتسابقين امساك القلم في يد والغطاء باليد الأخرى ثم وضع اليدين خلف الرأس على شكل إكس ومن ثم يطلب منهم اقفال القلم وهم بهذا الوضع...والفائز من يقوم باقفاله في اسرع وقت


لعبة تخمين الوقت
المتطلبات:

اقلام

الطريقه :

يعطى كل متسابق قلم ويطلب منهم اسقاط القلم بعد دقيقه (طبعا بالتخمين بدون النظر الى الساعه) والفائز من يكون اسقط القلم في الوقت المناسب او المقارب



لعبة اللمس
المتطلبات:

كيس او علبه فيها عدة اشياء مختلفه

الطريقه:

يعطى كل لاعب الكيس ويحاول ان يتعرف على الأغراض الموجوده عن طريق اللمس والفائز من يتعرف على اكبر عدد من الاغراض في مده معينه.



لعبة محتويات الشنطه - لعبة للبنات
المتطلبات:

شنط من الحاضرات

الطريقه:

يطلب من الحاضرات شنطتين ونطلب منها غزالة اي شئ خاص لانا سنبحث في محتويات الشنطه...ثم نعد الاغراض الموجوده في كل شنطه والفائزه من كانت شنطتها تحتوي على اقل عدد من الأغراض(الاشياءالمكرره تحسب غرض واحد مثلا يكون في الشنطه اكثر من منديل تحسب على انها غرض واحد)




لعبة الارقام
المتطلبات

ورق مقوى يكتب عليه اعداد مختلفه ويوضع في سله او علبه

الطريقه:

يطلب من المتسابقين ارقام والفائز من يقوم بتكوين الرقم في اسرع وقت.



الكتابه بالفم
المتطلبات

اوراق واقلام


الطريقه:
يطلب من المتسابقين كتابة كلمه معينه بالفم والفائز من يقوم بكتابة الكلمه في اسرع وقت




مسابقة اكبر عدد من الكلمات
المتطلبات:

قلم وورقه

الطريقه:

يعطى المتسابقين الاوراق والاقلام ويقوم المشرف على المسابقه بإعطاء كلمه ويطلب من المتسابقين كتابة اكثر عدد من مشتقات هذه الكلمه..والمتسابق الفائز الذي يكتب اكثر عدد من الكلمات في وقت معين
مثال : الكلمه :مواهب...مشتقاتها (هاب، واهب، مهب، هام،هم....)



مسابقة المضاعفات
الطريقه:

يطلب المشرف على المسابقه من المتسابقين ذكر الرقام مثلا من 1-30 وعند مضاعفات الثلاثه يقول (بم)
مثال : (واحد ،ثنين ، بم،اربعه ،خمسه،بم ...وهكذا)وشوفو الضحك بعدها



مسابقة قلب الحروف

الطريقه:

يطلب من المتسابق العد مثلا من 1-30 مع قلب حرف السين الى شين او الثاء سين..او اي حرف يقلب في كل الارقام
مثال : (واحد اثنين ثلاثه اربعه خمشه شته شبعه .... )



مسابقة بحر بر وجو
الطريقه:

يطلب المشرف من المتسابقين حينما يقول بر: يمسكون الأرض
بحر: يمسكون ارجلهم
جو : يمسكون رؤسهم


لعبة الذاكرة :
سواء بعرض أشياء أو كتابة مجموعة أسماء أو قراءة قائمة بخضار أو فواكه ثم يطلب من المتسابقين تذكر اكبر عدد ممكن منها ........

مسابقة ترتيب كلمة من حروف:
فريقين كا منهم 3 أشخاصكل منهم يعلق عليه حرف مثلا(ب ح ر) و تعطى كلمات لهم بحيث الفريق الذي يكون أولا يفوز:بحر..حبر....حرب.....ربح...... ...و هكذا

مسابقة أطول حبل أو سلسلة:
مجموعة من المشابك (للسلسة )أو قطع أقمشة (للحبل)و عند الصافرة يبدأ الفريقان (أو الشخصين )بتكوين الحبل أو السلسلة و عندما ينتهي الزمن او تنفذ القطع نقارن الأطول.......

إطفاء الشمعة:
نحتاج مسدسين رشاش ماء و شمعتين :نشعل الشمعتين و يقف المتسابقان بنفس البعد و يبدآن برش الشعلة بالماء و الذي ينجح في إطفائها اولا يفوز ..

الكرات الملونة :
توزع الكرات الملونة على الرض بدون ان يراها المتسابقون ...كل فريق مكون من شخص مربوط العينين و معه سلة و هو الذي يجمع الكرات و الآخر يوجهه دون أن يلمسه و يطلب من كل فريق جمع لون معين من الكرات و في النهاية تعد الكرات في كل سلة

إصابة العصــــــــــــا



عدد اللاعبين : 6 فأكثر

الأدوات : كرة وحطبة .

يشكل اللاعبون دائرة كبيرة يغرس فى وسطها عصا يحرسها أحد اللاعبين .
ويحاول اللاعبون , وهم يتقاذفون الكرة , أن يصيبوا العصا قبل أن يتمكن الحارس من حمايتها .
والاعب الذى ينجح فى إصابة العصا يأخذ مكان الحارس.

هرم المكعبـــــــــات

الأدوات :
من 8 الى 10 مكعبات من الفلين , قضيب مربوط به خيط وحصاة.

ضع على الطاولة مجموعة من سدادات كبيرة بعضها فوق بعض . ويأخذ لاعب القضيب ويحرك الحصاة فى طرف الخيط بقصد رمى المكعبات الواحدة ثم الأخرى.
والاعب الذى يرمى عدة مربعات دفعة واحدة يترك دوره للاعب الذى يليه.
والذى ينجح فى رمى المكعبات واحدة فواحدة يكون هو الفائز.

ألعاب تعارف للرحلات والمؤتمرات...!!



1 - أفضل شخصية :

يطلب المنسق من الحاضرين أن يكتب كل منهم اسمه على ورقة فارغة وعلى كل مشترك أن يكتب شئ مميز فى شخصية صاحب الورقة.

2 - ألعب الترتيب

يمكن الطلب من اللاعبين أو المشتركين ترتيب أنفسهم حسب ( الحروف الأبجدية - تاريخ الميلاد , أو مقاس الحذاء , إلخ ).
يمكن أيضاً أن تزيد من تحديات اللعبة ( عن طريق تغميه العين , ممنوع الكلام ... إلخ ).

هل يعجبك جارك

عدد اللاعبين 20 - 50 فرد

طريقة اللعب :

يجلس اللاعبون فى دائرة حول أحدهم , ويسأل لاعب الوسط أحد اللاعبين هل يغجبك جارك , فإذا كانت أجابته (لا) ( يعجبنى ايمن وعادل )أو يعجبنى كل من يلبس نظارة , أو كلمن هم أقل من 20 سنة , أو كل من يسكنون فى شبرا يتحتم على من تتوفر فيه الصفات تغيير أماكنهم .
وإذا كانت الاجابة (نعم) يقوم جميع اللاعبين بتغيير أماكنهم , ويحاول لاعب الوسط فى كل الحالات الحصول على كرسى فارغ .
ومن لايجد كرسى له يكون هو لاعب الوسط.

تصنيف : ألعاب,الصغار,العاب ترفيهية,بسيطة,حضانة,سن,للاطفال