اَلْبُغْضَةُ تُهَيِّجُ خُصُومَاتٍ، وَالْمَحَبَّةُ تَسْتُرُ كُلَّ الذُّنُوبِ.( سفر الأمثال 10: 12 )
صدقونى لو تأملنا فى هذا النص الالهى نشوف ان كل الصراعات اللى حوالينا نتيجة لعدم وجود محبة , لو فى محبة هنستر على بعض ونقول لبعض مين انا علشان ادين اخويا ولكن نتيجة لعدم وجود المحبة وفى كراهية بالداخل يوجد الصراعات ويوجد الخصومات ويوجد الأدانة ويوجد الذات والأنا و الكبرياء والكثير من الخطايا نتيجة لعدم وجود محبة
ياريت نراجع أنفسنا ونفتش فى اعماق قلوبنا عن البغضة اللى جوانا اتجاة الاخر , لو تأملنا فى السماء وأمنا اننا هنكون مع المؤمنين كلنا فى مكان واحد للأبد الموضوع هيتغير نهائى , تخيل اخويا واختى المؤمنين هيعيشوا فى مكان واحد الى الابد يعنى لو معشناش فى محبة على الارض استحالة ربنا هيسمح لينا نكون فى مكان واحد فى السماء علشان كدة الناس اللى مش جواهم محبة من الصعب ان نراهم فى الملكوت الأبدى . يلا نصلى ان ربنا يعلمنا المحبة و يزرع جوانا هذة الفضيلة للكل لأن المحبة تستر كل الذنوب .
