دى لعبة بسيطة جدا بس لما عملتها فى مدارس الاحد العيال كانوا مبسوطين اوى وطلبوها تانى كتير
اللعبة :
هى عبارة عن كرسى بيقعد عليه واحد وواحد وراه يكون معاه ورقة كبيرة فيها حاجة زى مثلا الصلاة او الاستحمام او الصوم او اكل الزبالة او اى حاجة و يوريها للناس بس اللى قاعد على الكرسى مايشفهاش
العيال او الخادم يفضل يسال اللى قاعد على الكرسى اسئلة و اللى على الكرسى عليه يرد من غير ما يعرف هم بيتكلموا عن ايه
مثال :
مثلا انا كتبت على الورقة الصلاة وخليت العيال يشوفوها ماعدا اللى على كرسى الاعتراف وبدانا الاسئلة فابدا اسئله اسئلة كالاتى
كم مرة بتعملها فى السنة ؟
لما بتعملها بتبقى مبسوط ولا زعلان ؟
بتعملها لوحدك ولا مع اصحابك ؟
المهم تكون اسئلة عامة هدفها الكوميديا والضحك فممكن نستخدم نفس الاسئلة مع الاستحمام او اكل الزبالة او اى اسئلة يكون ردها مضحك تضحك العيال لان اللى على كرسى الاعتراف بيجاوب وهو مش عارف احنا بنتكلم عن ايه
Friday 26 August 2016
لعبة بسيطة جدا
1 التعليقات