خواطر واشعار : جربت كتير ادور على السعادة بعيد

جربت كتير ادور على السعادة بعيد ،،، وقلت ربنا في السماء وانا هنا
وافتكرت انى بالخطيه هكون سعيد ،،، وجريت وراء شهواتى سنة وراء سنة

كل يوم همومى بلاقيها تزيد ،،، ونفسي تطلب الشر كمان وكمان
حالتى بتسوء ومفيش جديد ،،، والخطيه عندى بقيت ادمان

قلت فى يوم الله مش موجود ،،، مش معقول موجود وانا كل يوم بموت
يا ناس دا الله الغير محدود ،،، وصرختله من قلبي بعلو الصوت

لو كنت موجود اكشف ليا ذاتك ،،، قولى ليه انت سايبنى غريق
مش انت بردوا بتحب اولادك ،،، طيب ليه سايبنى لوحدى فى الطريق

قالى لو عايز تعرفنى افحص نفسك ،،، بص لكل عضو من أعضاء جسمك
بص لنفسك وقولى مين اللى عملك ،،، معقول الغير موجود هو اللى خلقك

دا الارض كانت ضلمة وخرابه ،،، ومكنشى فيها اى حياااااة
خلقتلك جنة ليك مش غابه ،،، وخلقت الكون النجوم والسماء

كنت معاك ساكن دايما فيك ،،، انت اللى خنتنى وكسرت وصيتى
يا ابن ادم دا لذتى فيك ،،، انت اللى رفضت عشرتى

مسبتكشى لحظة كنت جمبك ،،، انت اللى اعمى ومش شايفنى
وكل لما اقرب امسك يدك ،،، انت اللى كنت بشرك تطردنى

لو عايز تعرفنى بص لنفسك ،،، احكم بالعدل و بلاش تظلمنى
الامراض انتشرت بيدك ،،، انت تغلط وفى الاخر تلومنى ؟

سمحت بالتجارب علشان تتوب ،،، تدور عليا وتفكر فيا
انت عندى غالى ومحبوب ،،، ومهما فعلت بعتبرك ليا

يلا ارجع واقدم توبة عن خطاياك ،،، ابدا بسرعة وانا وياك
نعمتى تساعدك وتكون حماك ،،، انا مش ممكن ابدا انساك

كلمات : اندراوس
29-7-2016

تصنيف : ادور,السعادة,بعيد,جربت,خواطر,على,كتير,كلمات ترانيم,واشعار